林忠豪怕莊思敏呷醋會避忌

廖碧兒舊愛林忠豪最近與莊思敏過從甚密，不過，日前林忠豪卻被本報獨家拍到與前組合Freeze成員甄詠珊親暱飯聚，有移情之嫌。昨日林忠豪出席「國際環保博覽2011」時，對食飯一事緊張澄清：「唔係一齊食飯，只係喺餐廳撞到。（你哋態度親暱？）絕冇咁嘅事。（有冇機會發展？）識咗好耐，只係朋友。（以後會唔會避忌啲？）會，就算見到面都唔敢打招呼，唔想畀人誤會我咁花弗，其實我好努力工作。（怕唔怕莊思敏呷醋？）唔會。」

500萬跑車畀晒錢

對於莊思敏指二人關係緩和中，林忠豪稱二人一直是朋友，之前送手機給對方只是禮尚往來，問到是否追求對方時？他未有否認：「呢個比較難答，我依家係單身，會同唔同朋友食飯出街，都係觀察中，我都想結婚。」對於有報道指他兼任車行經紀，其500萬麥拿侖跑車並非屬他所有，林忠豪沒好氣說：「我咁忙冇時間做經紀，架車我全數畀晒錢，我有賣車畀朋友，但都係蝕讓。」

林忠豪表示為怕誤會，以後見到甄詠珊都唔敢打招呼。

甄詠珊

講清楚費事尷尬

而莊思敏前晚出席相片展，她指與林忠豪仍是朋友關係，否認向對方派檸檬：「我唔想有誤會，所以講得清楚啲，費事尷尬。（佢追你？）關係緩和咗，佢好明我心意，唔想咁急，我哋冇講拍拖呢個話題。（佢係咪合格男友？）唔知，要問佢前女友喎！」

另外，胡定欣昨日為劇集拍攝煞科戲份，對前男友吳浩康早前與莊思敏分手，問她有否致電慰問吳浩康？她表示：「冇打，都唔關我事。」

文：名人組