熊黛林羨慕夫妻檔上陣

模特兒熊黛林(Lynn)以西裝出席時裝活動,露前又露後,她稱已做足安全措施。問到會否穿男友郭富城(城城)的西裝?她說:「唔會。(西褲呢?係咪唔啱身?)我嘅褲要訂造。我同佢一齊,佢好少着西裝,唔通着西裝打邊爐咩?但我就一定係素顏。」

另外,Lynn透露在新戲中演盲人,愛上杜汶澤,問她是否不介意另一半身高或外形?她坦言:「有時啲靚仔,靚嘅唔係五官,要靠內涵同氣質去彌補。(咁城城係天生靚定要後天彌補?)佢天生係冇得講。(太靚仔?)我都唔好意思讚。」公然大讚男友。Lynn又指羨慕同場夫妻檔出席活動,但她未必會,因怕太敏感,並笑言:「我一個人可以着得性感啲。」