Kelly閃令令「蝦餃仔」飛撲埋身

【曹家誠上海直擊】Kelly、林峯及趙雅芝前晚一同以代言身份到上海出席依波路錶155周年慶祝活動，三人先行紅地氈，接住作跳舞表演，壓軸出場的Kelly在十個小仙女陪伴下，穿上由奚仲文設計的「花仙子」連身珠片裙亮相，閃爆全場，Kelly自爆蝦餃仔都勁鍾意她這身打扮，她笑說：「喺屋企試衫時，佢已經係咁拍門話要睇，見到時佢嘩一聲，笑晒咁爬上我身，攬實我唔肯放手。」

當選理想明星媽媽

廿四孝的Kelly表示每晚都想陪蝦餃仔瞓覺或者送他上學，即將為賀歲片《八星報喜》開工的她笑言仍未通知蝦餃仔，她說：「費事佢聽到又喊定先，要訓練佢堅強啲。」談到四大唱片跟無綫初步已達成共識，Kelly大表贊成：「我都好想返去，隔咗咁耐感覺好陌生，可以上其他電視台對藝人都係好事，可以多咗機會見人。」

放大圖片	趙雅芝與黃錦燊恩愛出席。

此外，Kelly在雅虎最近公布網民心目中三大最理想的明星爸爸及媽媽當選，其他當選者還有李克勤、徐子淇、張智霖、黎耀祥及彭羚，雖然謝霆鋒及張栢芝已離婚，但都有不足2%的網民認為他倆是理想爸媽。

林峯風沙磨面滑溜

而正忙於拍攝《忠烈楊家將》的林峯，活動後會趕返北京繼續工作，他說：「喺沙漠拍外景，嗰度好大風沙，日日塊面都好似做磨沙咁，磨到依家塊面好滑。」林峯指他的戲份將於十一月底完成，希望可以放一星期假。對於四大歌手有望重返無綫，他大表歡迎，並不擔心會對自己在頒獎禮上造成威脅，他說：「唱歌唔係為咗攞獎，可以有機會同其他歌手見面係值得開心。」

而趙雅芝則攜同丈夫黃錦燊現身，透露忙於準備明年「慧妍雅集」成立三十周年的慶祝活動，包括明年二月的慈善步行及五月舉行的慈善晚會，趙雅芝指「慧妍雅集」一直熱心公益，得到很多善長支持，故未有為來年的籌款定下目標，亦不會感到有壓力。