陳豪撐女友露Bra︰畀100分佢
陳豪昨日與王梓軒、吳若希、朱紫嬈及一眾「巨聲幫」歌手等出席女童軍活動，對於女友陳茵媺（Aimee）於劇集《法証先鋒III》中除衫露Bra一幕，陳豪說：「我冇睇，但有聽過收視好，佢係健康性感，我畀一百分佢！（介唔介意？）做演員少不免性感，我唔會介意，我注重戲多啲，佢有好大進步！（佢胳肋底疑似有疤痕、被懷疑做過手術！）係胳肋底紋啫！唔好亂砌！」
唔介意露股
問到Aimee拍性感戲前有否向他備案?他說：「有提過，（佢有冇掉轉叫你唔好性感？）我之前都露過股啦！（依家再露？）依家露我就要睇劇本，如果係一班男人露八月十五都可以，（同性戀戲呢？）唔介意為藝術而犧牲，但要睇藝術程度，睇邊個導演！要靚，拍得核核突突就唔得！」再提到Aimee除Bra收視高過陳法拉前年相似一幕，他說：「大家都好睇，Aimee係健康性感！」
自認靠實力
陳豪被指近日「發福」，他笑說：「我係藍籌股，講實力，（肥啲有安全感？）重啲唔會輕飄飄！」陳豪全程「四萬咁口」，非常春風得意。
文：影視組