早前宣布與吳浩康分手的莊思敏，近日情場得意，但投資卻失利！前晚她出席時裝活動時，談到妹妹莊思華在其新開的時裝店遇襲，莊思敏自爆原來是該舖位的業主：「我03、04年以200幾萬買，依家跌到得100萬，我係以好抵嘅價錢租畀佢。」
莊思敏坦承舊愛吳浩康曾過問她跟林忠豪的緋聞，問到揀男友和揀舖哪樣眼光較差時，向來口齒伶俐的莊思敏亦擋架不住：「我唔會答呢個問題！（總之你眼光差啦？）哈！我運氣唔好啫！」她續說林忠豪送iPhone 4S是禮尚往來：「佢（林忠豪）之前買我舞台劇門票，我冇收佢錢，所以佢禮尚往來送電話畀我，等如交換禮物。」而被捲入襲擊案的莊思華在微博留言指近日常和警方跟進事件：「哥哥就此事仲同我開玩笑，馬來西亞嘅華人報紙都有報道我的事。好彩督爸唔識中文！我就笑唔出了！」