關心妍明年償願登陸紅館

歌手關心妍(Jade)昨日到電台受訪,提到本報披露她以「隨時可放十星期產假」的條款簽約新公司Neway Star,她點頭說:「係呀,好吸引,自由度好大,(演唱會後努力『造人』?)做完可以安心試吓,中間又可以去其他地方登台。」問到是否以傳聞中的七位數簽約?她立即笑晒說:「好滿意!(有傳取代鄭融一姐地位?)入公司目標係開演唱會,唔係一姐。」

阿Jade滿心歡喜自爆終於申請到紅館檔期:「係今日(昨天)先收到通知批咗,係下年一月中尾,(幾場?)未知,最少一場啦!(係咪搶咗鄭融個期?)唔係!」