汪圓圓性感內衣男友獨賞

昨日汪圓圓與高海寧出席內衣品牌Triumph活動,同場有模特兒示範內衣。

圓圓自稱怕醜,難以接受行內衣騷,問到是否要男友蔡加讚批准?她說:「我覺得佢唔會鍾意我行內衣騷。(唔鍾意你太性感?)可以性感,但唔可以行騷。(只可以喺佢面前性感?)呢啲係Private嘅性感。」不過,圓圓認為女生可趁年輕打扮得較性感,而大會即場送了一套內衣給圓圓,問她會否穿給男友看時?她尷尬地說:「可以嘅。」

另外,高海寧封胸只騷玉背,表示行內衣騷冇問題,要睇公司安排;至於是否男友不准她太性感,她否認拍拖,並指之前影到的異性只是朋友,現在不會諗拍拖,工作為先,並表示:「最近拍戲好大挫敗感,對住班好戲之人,覺得自己嘅戲好屎。」