Eason讚空氣清新勝無綫
無綫與四大破冰有望之際，絕迹無綫兩年的陳奕迅（Eason）一於冇面畀，昨日首度踏入亞洲電視大埔總台，大展靚聲壯聲勢，還說：「呢度嘅空氣清新啲！」
Eason入行十多年，昨日首度踏入亞洲電視大埔總台，為《亞洲星光大道4跳舞吧！》錄影任嘉賓，笑言以前只是踩單車經過，第一次能夠真正進入，心情不免有點緊張和戰戰兢兢，揚言會好好記住今天，話雖如此，Eason亦遲到四十五分鐘，他笑說：「今日遲咗好緊張，雖然陳奕迅都未試過準時，但我都要再檢討吓，要人等真係唔係咁好意思，要反思。」
唔會介意收視
講到入亞視的感覺，Eason懶理四大和無綫破冰在即，一於有話直說：「好奇幻，想參觀吓，呢度冇咁多人，空氣清新啲，將軍澳嗰邊無論未搬前，空氣不嬲係咁，有陣特別嘅味道，呢度好開揚、好乾淨。」被問到早前曾和亞視合作特輯，收視卻欠佳只得三點，Eason直言不介意，只要有工作就可以，至於破冰前到亞視略嫌敏感？他說：「我真係唔知喎。（期唔期望重返無綫？）不嬲主張多啲平台。」他更專誠穿皮鞋、戴鑽飾出席錄影，入到錄影廠好奇心大發，不停紮紮跳及到處看。
劇集讓路播MV
亞視方面十分重視Eason，為配合其新MV今晚播出，不惜專程剪開播出中的劇集。而亞視高級副總裁葉家寶透露，為增加對音樂的鼓勵，亞視明年會趁55周年台慶於元旦1月1日及年中，於北京舉行兩場演唱會。此外，Eason為國語新歌《看穿》MV提出以現代舞拍攝的意見，拍足五小時令他筋疲力盡，險些手部抽筋。
文：影視組