無綫放生歌手 各台門戶大開
無綫與四大破冰即引來now、有線、亞視的回響，now高層何麗全指四大與無綫問題拖拉了一段時間，如今解決實屬好事，他又提到新電視台對無綫有一定壓力，歌手四散並非好事。
有關歌手可否亮相其他電視台？何麗全說：「以我所知四大係有提出咁嘅條件，不過未知無綫肯唔肯讓步，我哋一路都同四大有聯絡，佢哋都有通知我哋呢件事，我哋唔介意，據知最快台慶前可以解決。（打亂你哋陣腳？）冇問題，我哋同歌手有晒共識，陳奕迅嚟緊都會有一連串嘅特輯，希望歌手們將來可以唔使簽死，之後可以同英皇佢哋合作就更好。」
有線高層曾展章則說：「只要有gimmick我哋會keep住同唱片公司合作，既然無綫有咁大放寬，就要睇唱片公司點樣安排歌手亮相唔同台，不過有線自開台以嚟已經係冇歌星亮相，咪又係咁做，所以有歌手演出就當係bonus！」
亞視高層葉家寶說：「電視台有唔同元素節目，歌手只是其中一環節，無綫放生歌手，希望唱片公司可以公平處理，亞視亦會顧及來自世界各地歌手。」