志偉：破冰三贏 Kay等埋位

被無綫封殺兩年的四大歌手，對本報獨家披露無綫與四大終於破冰，眾人都高談闊論，繼陳慧琳、李克勤、薛凱琪、方大同等齊聲叫好，作為四大旗下歌手的謝安琪（Kay）也十分期待重返無綫。

昨日身在敦煌戈壁拍攝電影《敦煌傳奇》的Kay說：「如果再同無綫合作，對所有人絕對係值得開心嘅事，最開心、最大得益係觀眾同樂迷，佢哋有好多選擇，也令樂壇百花齊放，目前時勢能有多啲平台宣傳係好事，我都好期待返無綫，大家咁熟悉合作起來駕輕就熟，好有親切感。」

身在敦煌拍戲的謝安琪，直言期待早日重返無綫。	周柏豪對無綫、四大破冰，一切等公司安排。	關楚耀曾為亞視拍劇，不擔心有影響。

周柏豪望可拍劇

同屬四大的周柏豪、關楚耀聽到破冰消息感到開心，柏豪昨日在活動亦見無綫有派採訪隊到場，但暫未有訪問他，惟柏豪說：「如果係，真係一件好事，我哋聽公司指示，我哋細路仔做好本分。（版稅讓步咪收少咗錢？）公司會處理。」據知無綫監製一直想搵柏豪演出，他也希望將來可以拍劇。

關楚耀烈士回歸

而楚耀指過去四大歌手是做「開路烈士」，他說：「破冰係雙贏、互惠互利。（《勁歌》頒獎禮蝕底？）冇去諗。」雖然他曾為亞視拍劇，但不擔心受影響。

而曾志偉昨日出席「福幼慈善大纜盃」，以「一大喜事」形容雙方破冰局面：「呢個係一個三贏局面，無綫、唱片公司同歌手都得益。」志偉又希望《勁歌》頒獎禮能回復以前般好多歌手齊參與：「好似陳奕迅佢哋咁唔計較獎項，希望有番呢個精神。（唔出席都有獎拎？）應該嘅。」

文：音樂組