疑似Jessica C.的流出慾照，不少女星都戥她可憐，Phoebe（許穎）昨日出席萬聖節活動時怒轟賣相者賤格：「冇理由分享呢啲相，仲要拎去賣，我就冇興趣，覺得唔值，睇自己都一樣啦！」Jeana（何佩瑜）前晚到夜場打碟時則直斥JC日籍Model師姐田代麻衣落井下石：「我以為自己寸，原來有人仲犀利過我，真係very ugly face，心地very bad！」她又指若賣相者需要錢，可介紹他到銀行借錢，兩人均表示不會拍慾照。
另外，性感女星黃榕表示有看過疑似JC慾照：「睇咗啲相，個樣直情係佢！好慘，一個女仔咁樣畀人擺上枱！」
