文恩澄唱前度似怪獸
歌手文恩澄（阿橙）近日再戰樂壇，推出新歌《怪獸愛侶》，問到此曲來源，她說：「我啱啱同男朋友分手，一作曲就諗起佢，佢係一個好迷戀我、好過分緊張我嘅人，連我同朋友傾電話都唔得，同人眼神接觸又唔得，成日發我脾氣，（有冇打你？）有，佢有事就會打我一巴，好幾次我話要分手，佢又唔肯，最後令我個人好唔開心，有抑鬱症！（有冇想自殺？）有傾向。」
問她前度男友是否好靚仔？阿橙說：「唔係，我拍親都唔係靚仔！（佢做甚麼職業？）佢兩年幾冇做嘢，（你養佢？）係，好多時不知不覺就會做咗啲蠢事。（你個病好番未？）分手之後就好番，都係靠自己開解自己，（有冇睇醫生？）有見社工。」