克勤認見陳國強 隨時返無綫
李克勤昨日為演唱會的Blu-ray DVD舉行記者會，音樂總監趙增熹特別到場支持，克勤表示今次有份參與DVD剪接工作，刪除部分政治敏感的環節，但囝囝出現的畫面都原汁原味剪輯落DVD留為紀念，他說：「佢見到有自己份都睇得好興奮，希望佢班同學每人幫我買一套，我可以簽埋名呀，咁就發達囉！」
提到無綫近日的藝員逃亡潮，有傳新老闆陳國強（圓圖）親自出手「止血」，以好友關係拉克勤歸位，克勤承認跟他有食飯見面：「我同TVB好多人都經常會見面食飯，但真係好少講公事，我希望同每個電視台合作，有適合工作任何人都可以！」
拒簽死一台
克勤表示暫時不考慮簽死一家電視台，希望宣傳工作上可以減少規限。
另外，他未有正面回應是否穩袋八百萬做now TV歐洲國家盃主持，他說：「我同何麗全唔係講呢啲嘅！我做主持係明年六月嘅事，佢個合約唔會限制我去其他電視台工作，當然希望四大或者五大問題快啲解決，大家都可以合作！」
採訪：音樂組