Alice B.唔急尋愛
今年21歲的混血甜心Alice B.自言後生有本錢，寧願事業搏殺搵銀，都不急於尋找男朋友，直言要把握時間陪屋企人，故本月尾特地請假返倫敦探親享天倫之樂。
混血模特兒Alice B.在香港發展近兩年，密密接job，她的感情生活同樣惹人關心，單身的她直言不覺空虛，將來要找個志趣相投的男友：「一定要有共同興趣和話題，好似要鍾意畫畫，唔係會好悶。」Alice坦言有追求者，不過因為年紀相距太遠，大家的價值觀不同令戀情未能萌芽︰「我得21歲，應先專注工作，有好多嘢要去試；可能因為對方年紀較大，已諗組織家庭，但我未係時候講結婚，所以唔係咁夾。」
感情未有着落，Alice卻選擇享受家庭樂，將於月尾放假回倫敦陪家人的她說︰「到時放幾個星期假，會返倫敦，因為好耐冇見屋企人，我姊姊有了男朋友，想見下面，不過唔會叫佢介紹男仔！」
萬聖節開P
到時正值萬聖節，Alice表明會去party狂歡，會否性感現身仍心大心細︰「未諗到着咩，想要特別造型，唔會打扮成性感醫生或魔鬼，因為同萬聖節扯唔上關係。」
文︰專案組
攝︰沈健程
場地及服裝︰GUESS 髮型︰Tim@Marek Art of Hair