鄭希怡7年之癢徵求富二代
鄭希怡（Yumiko）被傳上趕結婚潮，待和英皇約滿後即和拍拖快7年的化妝師男友Andy拉埋天窗，而Yumiko早前更在微博上載了一張露事業線的婚紗照，令其嫁人息影之說更似層層。
繼莫文蔚、梁詠琪、郭羨妮後，近期圈中有傳Yumiko即將加入人妻行列，傳聞因她想嫁人，故不和英皇續約。事有湊巧，早前Yumiko就在微博上載婚紗照，亦有圈中朋友得知她有顆恨嫁心。
Yumiko接受訪問時例牌否認婚訊，坦言有不少人問過她同樣的問題：「我都好奇怪，點解我結婚我會唔知囉。」自言和男友感情發展穩定，卻未有結婚打算，她笑言：「如果大家都咁想我結婚，或者考慮出年啦，如果2012年世界末日時我冇死到，咁就結婚啦。」
與英皇尚有約
至於傳她和英皇關係大不如前，Yumiko哈哈笑謂：「其實我同公司仲有3年合約，可能因為我成日唔喺香港，所以先有咁嘅傳聞啦！」
問Yumiko的工作安排？她謂早前錄了福音歌，亦和狄龍之子譚俊彥拍電台劇，而微博上的婚紗相正是劇照。問她是否已揀定了Andy為結婚對象？她竟說：「咁又唔係喎，有冇聽過7年之癢呀？明年就第7年，如果有富二代追我，我都會考慮o架，你哋唔好寫到我好似好恨嫁咁啦。」
文：音樂組