鄭融睇水慘變落湯雞

鄭融日前遠赴多倫多演出，並趁機參觀尼亞加拉大瀑布，搞到變「落湯雞」濕身而回，好在做足防走光措施沒有蝕底，兼且玩得盡興，驚嘆大自然的神奇。

鄭融日前到加拿大多倫多為模仿比賽做嘉賓，大讚三甲的水準好高，其中有位扮王傑的參賽者更似模似樣，令她激讚不已，鄭融還即場演唱了至hit的《紅綠燈》、《K歌之后》、《四季》和《Kiss Kiss Kiss》歌曲，令觀眾拍爛手掌。

難得到多倫多工作，鄭融和工作人員抽空到名勝尼亞加拉瀑布遊覽，首次見到聞名已久的瀑布，鄭融興奮說：「真係好壯觀呀！我哋仲坐船去到瀑布附近近距離欣賞，雖然成個人都變咗落湯雞，但濕身都好值得。」好在事前鄭融早有準備，穿了適當的衣服遊覽，就算濕身都冇有怕，包保唔會蝕底。

之後鄭融在當地商場舉行簽名會，吸引大批當地華人粉絲撐場，鄭融跟他們玩遊戲，有粉絲帶了鄭融的處女碟給她簽名，令她感動不已。

文：音樂組