47歲施熙瑜選亞姐收o靚

亞姐當年大玩年齡不設上限的噱頭，成功引起話題，箇中代表宮雪花令人津津樂道。將於12月舉行的亞姐今年重施故技引熟女參賽，昨日亞視大埔總台舉行首次秘密面試，吸引約40名女士報名。

熟女睡裙玩嘢

據知參賽者要在T形台行貓步及自我介紹，並換上泳衣騷Quali，若自備泳衣不夠性感，大會將提供三點式。但期間自稱35歲的「風騷熟女」高捷突然大聲問「咩係T台？」身穿睡裙的她又大叫大嚷，引人注目。

放大圖片	模特兒公司老闆林凱欣（左）現年33歲，後悔當年沒有選美。

昨日多名中女面試，有鋪選美癮的時裝設計師施熙瑜以火紅大露背裝面試，47歲的她表示選美是其童年夢想，自信可憑人生經驗揮低一班後生女，離開時她透露有換三點式：「幾個女仔一組，佢哋都好靚，我仲問咗佢攞拎電話，睇下有冇機會做我哋嘅Model，但我相信自己可以入圍！」

39歲的司馬燕表妹Polly表示年輕時工作太忙，至最近為自己的生意做Model不時獲讚夠索，加強其選美決心。至於33歲的模特兒公司老闆林凱欣則後悔當年沒有選美，現在希望更多人認識。

「趙薇」踎街等車

雖有大批中女來襲，幸好仍有少女參加增添青春氣息，年僅17歲的「蒼白張舒雅」Melody身材高挑，但自言表現太緊張；現年22歲的「大眼林嘉綺」專程從福建來港參選，至於「黑超婷婷」Ivy及「嫩版曾華倩」等亦質素不俗，此外有位貌似趙薇的參賽者離開時竟踎街等車，完全懶理儀態。

文：影視組