高海寧增值 搵後「露」
「咪神」高海寧近期以性感形象拍攝廣告，向來以豐滿上圍引人注目的她，原來已在暗中搵後「露」，以白滑玉背打開咪神的另一境界。
形象性感健康的高海寧是廣告商的寵兒，近期除了頻頻出騷賺外快，更接拍美容廣告搵真銀，可謂已成無綫其中一棵「搖錢樹」。對於無綫近期出現銀彈挖角潮，高海寧未有心動，她說：「我都有收到挖角SMS，但第一個反應係覺得好奇怪，點解會send畀我，我都冇諗過要離開TVB，之前同公司簽咗約，TVB對我好好年年都加人工畀我，所以都懶理挖角新聞。」
廣告賣溫情
高海寧早前為YOU BEAUTY優纖美容拍攝硬照及電視廣告，造型包括貴婦、少女、性感尤物等，廣告照中最搶眼一輯要數貴婦look，谷胸兼晒滑溜靚背。她表示從前皮膚曬得多起粒粒，不過做了光學療程後，便可隨意穿大露背裝了。
至於在電視廣告，高海寧則大賣溫情，與媽媽及表姐大談護膚心得。問到高海寧可有家傳的護膚心得﹖她說：「我哋屋企人食得好辣嘅，辣到出晒汗，可能出得汗多，新陳代謝快皮膚都好啲，我哋一家人基本上皮膚都好嘅，好少話會生暗瘡。」
請教謝天華
高海寧近期則忙於為新劇《天梯》拍攝，她說：「今次戲份都好多，依家研究緊點樣可以令角色立體啲，有請教吓啲前輩，好似謝天華教我要自然啲去演，用心去做戲，幻想吓將自己代入角色。」
採訪：影視組