天明賺人仔家蔚延婚期

洪天明和周家蔚（圖）婚期一改再改，婚禮由最初構思年中到馬爾代夫小島進行，其後改到11月11日到澳洲舉行「二人婚禮」，雖然已得雙方家長允許，但婚禮最終又再延期，周家蔚說：「天明最近接咗套大陸劇《濟公3》，十一月要去橫店開工，有嘢做梗係做嘢先，搵『人仔』吖嘛，佢咁努力賺錢養我，點都要放人啦。好彩之前只預訂咗機票，其他嘢都未訂，所以冇損失，依家改為十二月中，明年先擺酒。」