陳豪陳茵媺 打風打唔甩
早前陳豪、Aimee被本報獨家踢爆在深井築愛巢，亦不肯承認戀情，直到近日被拍得在家煙韌互餵食物，昨日8號風球高懸下，同出席跑馬地「莎莎婦女銀袋日」記者會時，二人終承認戀情。穿上露肩晚裝的Aimee與西裝骨骨的陳豪儼如一對新人，他們更要記者「抗議」才肯「行埋」翹手合照，而與嘉賓拍照及祝酒時，更被取笑是家長合照及「合卺交杯」，陳豪為之尷尬面紅。
煮飯仔未同居
被取笑預演結婚的陳豪承認現階段開心，但並非已同居，雙方不欲否認只想大方面對：「我係去探佢，未去到呢個階段，唔好咁心急。（喺嗰度過夜？）只係煮吓飯仔。（一星期去幾次？）冇定！」問到Aimee是否滿分女友，陳豪以「爆燈」形容，今次可謂「打風打唔甩」，他騎騎笑：「係呀係呀！（今晚洞房？）哈哈哈……慢慢嚟，逐步嚟，依家係平穩認識階段。」
女友餵唔用手
陳豪被拍得要Aimee餵食維他命丸，記者笑他上女友屋企食飯毋須用手，他笑對Aimee說：「唔識答呀，唔好答佢哋！」又笑言自己雙手只負責執碗，但亦有餵女友食嘢。
對於被偷影入愛巢，Aimee沒有不開心，但說要買窗簾，而其香閨除了陳豪，麥長青也曾到訪。有說愛巢由陳豪付租，Aimee否認其事：「如果係佢畀錢我會租大啲。」活動完畢後約四時，這對「新人」在助手陪同下乘七人車離開跑馬地，到尖沙咀商場先放低Aimee讓她取車，然後她獨自駕車返深井愛巢。
文：影視組