阿刨聞仙姐大唱驚喜
移居加拿大多年的粵劇名伶龍劍笙（阿刨）昨晚回港，談到久未見面的師傅白雪仙，阿刨馬上勁好唱口：「我心又喜、心又慌！」直言到今天對師傅仍是既掛念又敬畏！
為慶祝雛鳳50周年，龍劍笙（阿刨）和梅雪詩（阿嗲）年尾將再踏台板，演出20場折子戲《龍情詩意半世紀》，移居加拿大多年的阿刨昨晚回港，為演出作好準備。精神奕奕的阿刨笑說私底下每年都會回港，但今次目的大不同，她說：「自從07年同阿嗲做過大戲，到依家都冇做過喇，不過我哋好有默契，合作一定冇問題，好易上手。」
好掛住戲迷
問及會否邀請師傅白雪仙觀看，阿刨一聽師傅名即非常好唱口，大唱：「我心又喜、心又慌！到依家都係好驚師傅，但又好掛住佢同啲戲迷。」完全表現了師徒情深的情義。
默認身體差
據知是次雛鳳共演20場，每場演4套折子戲，包括《俏潘安之店遇》、《蝶影紅梨記之窺醉》、《再世紅梅記之折梅巧遇》、《紅樓夢之幻覺離恨天》，所有布景及戲服均是全新訂製。至於早前有傳阿刨身體不適，對此她說：「年紀大，身體唔好都係好正常，但做20場應該都冇問題，所以我哋都唔會揀大鑼大鼓嘅戲去做，做啲輕鬆啲嘅戲。」
文：影視組