祖兒講心唔講金 唱好TVB
樂壇天后容祖兒的經理人霍汶希（Mani）往北京發展，祖兒坦言寄望對方為她探路以擴展內地市場，提到近期無綫藝員被重金利誘到內地拍劇，祖兒出言力撐無綫，大爆金句說：「感情值千金！」
祖兒昨日宣傳11月14日假會展舉行《Joey & Joey新城容祖兒音樂會》，屆時將首次跟音樂監製Edward Chan合作，大會向祖兒送上木結他，鼓勵她繼續學習，有機會在台上好好表現。
宣傳效果穩固
席間有英皇的高層代表到賀，但祖兒的經理人Mani由於駐守北京故未有現身，祖兒坦言仍未太習慣，她說：「有少少唔慣，不過我知佢會幫我哋探路，擴展我哋空間，北上發展！」她坦言二人仍有緊密聯繫，不時以電話及短訊溝通。
提到內地以高價力挖香港藝人返大陸拍劇，祖兒開腔力撐無綫，她表示：「內地市場規模大好多，係無可厚非，但TVB有個好實際嘅宣傳效果，多年來都好穩固！在於咁多年感情，同埋同我公司嘅關係，我唔想改變住，感情值千金嘛！」
收幾十個結他
提到音樂會，祖兒表示未有計劃邀請嘉賓，希望做個純個人的音樂會，以歌會友，她笑言近來收到不少有心人送上結他，令她倍感壓力，祖兒說：「身邊嘅人太鼓勵我，收到幾十個結他喺屋企，就嚟擺唔落喇，冇諗過大家咁好反應，搞到我一定唔可以玩玩吓，要好畀心機去學、去練！」
採訪：音樂組