許穎寸Jeana酬金作大

近期密密接打碟騷的許穎（Phoebe），前晚又到夜店打碟，雖然有晒事業線，不過今回她密實得多，惟有露粉紅底搶鏡，原定要出席新片慶功宴的她，因早已答應了打碟工作，惟有缺席慶功，更自嘲謂：「費事有人話見我食唔落嘢啦！影響佢胃口，不過我係真材實料都冇法。」擺明寸死敵Jeana取笑她於電影祝捷會谷胸搶鏡。

踩埋Rainbow

對於Jeana打碟酬勞達五位數字，Phoebe不屑地說：「有啲人話自己酬金好高，我知殿堂級就五位數歐元，唔知佢係咪收開日圓，可能以為自己可以媲美啦！我唔會咁樣講，總之滿意，公司亦好開心。」

DaDa（左二）在首映禮與兩位舊愛王宗堯及Gary同場。

DaDa前晚谷胸出現，成功搶「峰」頭。

自言對打碟有研究的Phoebe，又寸o靚模界一窩蜂走去打碟：「呢排有人話唔知跟邊個師傅學藝，我覺得九唔搭八，因為打碟係自己打，師傅係邊個有咩關係，葉問咁多徒弟都係得一個李小龍啫！」暗寸Rainbow跟周秀娜師公學打碟。

DaDa（左）晒咪，Jeana反而收胸鬥後騷靚背。

放大圖片

DaDa谷胸搶贏

另邊廂的Jeana則聯同陳靜（DaDa）、林司敏等現身電影慶功，DaDa大拋事業線，與兩位舊愛王宗堯及組合Square成員Gary同場碰面。至於Jeana以露背裝上場，她對Phoebe因打碟而缺席，坦言不會踩對方場，因不想看不該見及沒有胃口的東西：「too much too hot。」

文：影視組