廖啟智（圖）出席電影首映，被問到電視圈高薪搶人風潮，他直認無綫有初步接洽，他說：「仲未係認真去研究，無論電影、舞台同電視樣樣都鍾意做，睇吓佢哋需唔需要我呢啲演員。（其他電視台呢？）都有啲雷達喺度探測吓。」智叔坦言會否接拍主要視乎誠意，並非由片酬主導，更說近年開始授課，感覺到膊頭更多一份責任感。
