陳奕迅甩嘴 無端被抽水

陳奕迅(Eason)、毛舜筠及黃日華前晚擔任舞台劇《蝦仔爹哋》第二場的特別嘉賓,Eason在獻唱時一度甩嘴以笑遮醜,但仍未影響表現,林建明(大姐明)笑言自己是Eason個「迷」,隨即施展「魔爪」對他又錫又摸,笑到Eason跪地,盧海鵬就笑住寸對方:「點解你個髮型師吹到你個頭形歪晒?條褲又好似賴屎咁嘅?」令Eason哭笑不得兼發放笑彈:「我細個學識一句嘢,叫『得閒唱吓K,唔會變瘌痢』!」

另外,被傳患有重病的羅慧娟亦有撐場,精神奕奕的她表示:「我身體一向好好。(有冇戲癮?)我覺得依家好似唔識做戲咁,同埋唔想等冇人要先引退,趁好就收啦!」