山聰拍親熱戲超雲冇詐型
賭王何鴻燊三太千金何超雲和男友陳山聰昨晚甜蜜翹手現身Valentino全球首間男裝專門店的開幕活動，換上新髮型的超雲，被山聰連聲讚靚，而超雲也回敬說：「佢咁叻！我唔使幫佢搞形象！」對於近日掀起無綫被挖角潮，山聰會否是生力軍被力捧？超雲即搶答道：「吓？佢仲算新？唔係啩？我希望佢前景愈來愈好！」
對於男友將和無綫咪神高海寧拍劇，問到會否擔心他們有親熱戲並會呷醋時，超雲多次說：「我唔識邊個係高海寧。」山聰補充說冇親熱戲，而超雲則表示不會禁止男友拍親熱戲。另外，超雲說現在暫停學業：「媽咪話想有個信得過嘅屋企人幫手做生意。（結婚計劃？）咁悶㗎？次次都問呢啲，唔會諗住。」而山聰被問到現時活動酬勞加價至十萬元，山聰說不方便談，超雲則表示酬勞和男友分開計。