姚予晴升cup受創男友呵番
名模姚予晴（Mikki）與楊崢昨日為周大福贊助的慈善晚宴記者會擔任示範，穿上低胸晚裝裙的Mikki上圍明顯比以前突出，她表示nude bra加埋黐透明封箱膠紙，即時升了一cup，她說：「我係向台灣前輩學習，效果好顯著，可由A cup變D cup，真係好誇張。」繼又表示黐膠紙會令皮膚敏感，被問到男友有否幫她按摩，她說：「佢好憐香惜玉，會幫我搽cream。」而股市不穩，Mikki謂損失六位數字，暫時唔會再入市。
另外，曾與李丞責傳緋聞的楊崢，被問到李丞責與劉倩婷傳撻着，她是否覺甩難？她說：「我不嬲都唔靠緋聞，唔係事實嘅嘢唔想講，只想置身事外，大家只係工作上合作，唔會講私人嘢。」她又表示剛由不丹回港，在當地參觀金剛亥母佛像，由於要行山路，加上天雨路滑，不慎五體投地式跌落地，搞到成身瘀傷。