張家輝癱瘓幾粒鐘

張家輝、文詠珊（Jancie Man）、余安安及導演周顯揚等昨到昂坪360為電影《大追捕》作宣傳，家輝笑言於車廂中拍打戲好爽：「我哋喺車廂開咗好多槍，又打晒交咁，佢哋仲將車廂玻璃拆落嚟畀我哋拍，唔係《蝙蝠俠》先做到o架！」似有影射該片早前能輕易取得香港政府同意於市區內低飛拍攝。

問到家輝於纜車拍攝打鬥場面有否「暈車浪」？他即踢爆對手任達華曾「深受其害」：「我冇，不過華哥試過，可能因為一大早拍，又冇食早餐所以先會咁。」

戲中飾演母女的余安安及JaniceMan感情要好。

JM得家輝提點獲益良多。

畏高不敢坐纜車

余安安由於畏高而未能乘坐纜車直接到達場地，家輝在旁打趣地笑問如果把她推進車廂會怎樣？安安姐即笑言：「攬實你囉！」家輝又透露早幾年曾被對方「隊冧」：「我哋喺個生日派對上遇到，安安姐同我飲酒飲到我當場出醜都不特止，返到酒店仲半癱瘓咁瞓咗喺度幾個鐘！」

JM撐黎明冇婚變

對於早前傳出黎明與樂基兒（Gaile）婚變的消息，身為旗下藝人的JancieMan就力撐老闆和老闆娘恩愛如昔，她分別與二人通電話都不覺得有異樣外，又謂：「之前我同Gaile一齊喺日本，我同老闆傾電話佢都知我哋一齊！」

文：影視組