吳雨霏（Kary、圖）昨日出席電台訪問，她透露即將上亞視的《亞洲星光大道》節目中演唱。問到首次演出可會緊張？Kary坦言：「新環境唔多唔少都有嘅，入咗行9年都未去過亞視。」可承受到只得個位數收視？Kary謂：「唔知，真係冇諗過！（會唔會簽無綫嘅短期合約？）呢啲就公司決定。」問到是否不會與任何一間電視台簽歌星合約？Kary坦言希望能去不同平台宣傳，有其他就冇無綫？Kary謂：「希望遲啲可以啦。」
