祖兒搞搞新意思古裝街開P
容祖兒（Joey）昨日以黑色大露背連身裙出席活動，性感非常，對於無綫縮皮將頒獎禮移師到電視城舉行，身為樂壇天后的Joey笑言可以乘機踩入古裝街玩主題派對，認真有諗頭！
Joey、郭富城（城城）及麥浚龍（Juno）昨日出席藝術展覽活動，唯一女將的Joey以黑色連身裙背後露出白滑的美背，非常性感，提到本報踢爆無綫為縮皮，竟然將明年年初舉行的《十大勁歌金曲頒獎禮》由紅館改為電視城一廠，Joey笑言：「諗真少少，電視城都幾好吖，可以去古裝街度搞派對，最好就搵到《衝上雲霄》個飛機艙，一定好有feel！」
Joey坦言好想與熟悉的歌手朋友一齊出席頒獎禮，她說：「其實無論獎大定獎細，對歌手都係一種認同，我只係一個樂壇歌手，能力有限，好多嘢控制唔到，地方細啲仲好啦，冷氣都冇咁凍！」對於被指新造型跟名牌模特兒一樣，Joey笑言：「嗰頂帽真係喺嗰間名店用真金白銀咁買返嚟，梗係會一樣啦！」
城城愛上畫畫
另外，同場的城城表示心目中最愛的「STYLE ICON」是柯德莉夏萍跟米高積遜，而他近半年有發展畫畫的興趣，問到是否畫女友熊黛林（Lynn）？城城表示：「唔好講啲咁嘅嘢啦！我畫係抽象畫，唔係人像！」對於近日被拍到他為Lynn買狗糧，城城表示：「唔係事實唔會回應！」而Juno透露有份參演的電影《復仇者之死》入圍印度電影節，令他非常意外，提到前緋聞女友鍾欣桐傳出新戀情，Juno說：「係咩？我唔知呢個新聞，唔知真定假，最緊要佢開心！」
採訪：音樂組