楊怡搵銀實際過攞視后
楊怡、馬國明、羅仲謙、張慧雯等無綫新劇《On Call 36小時》演員前晚在尖沙咀舉行煞科宴，楊怡透露忙完拍劇要努力搵銀及旅遊，更笑言不擔心離港會影響爭逐「視后」：「獎當然希望有，但賺錢實際啲，攞獎都有信心嘅，保持良性競爭幾好呀。」徐子珊和呂慧儀也曾被淫媒問價，楊怡笑說：「又冇人問過我價喎，我係天價，仲要娶埋我返屋企添。」
有傳馬浚偉不滿《紫禁驚雷》收視好但無綫卻偏重宣傳《潛行狙擊》而萌生去意，有份演《紫》劇的馬國明說：「公司立場Laughing Gor之後有電影，多啲宣傳都無可厚非，都聽過有內地經理人公司搵佢，希望佢留低啦，公司啲小生真係愈嚟愈少。」羅仲謙早前與傅穎的感情糾紛鬧得滿城風雨，他透露稍後去旅行散心。