朱茵剝衫唔識做戲
Beyond成員黃貫中（Paul）昨日與弟弟黃貫其的樂隊The Postman，出席活動宣傳他們10月29日的九展演唱會。問阿Paul會否在台上向女友朱茵求婚？他表示雖然想結婚，但不會台上求婚。對於無綫縮皮不用紅館做頒獎禮，阿Paul說：「樂壇一早萎縮，我哋一樣做敢死隊出碟，（投資幾多？）嘩！唔敢計！」
阿Paul女友朱茵昨日到黎燕珊的節目接受訪問，她說：「最近排舞台劇，（會唔會為藝術犧牲？）過唔到心理關口，都有人請我全裸、背面全裸、半裸演出，不過我覺得我唔着衫唔識做戲，所以都係唔得。」