陳碧舸讚古尼有魅力
現主力在美國發展的內地名模陳碧舸（Bonnie），早前與佐治古尼在加州比華利山拍攝名車廣告，Bonnie開心表示有機會與古尼合作，並十分投契，她說：「我係佢第一個合作拍廣告嘅中國女仔，我覺得好榮幸，佢好成熟，好有魅力。（有指佢無視你？）梗係唔係，今次拍得好開心，因為成日要同佢喺車度，我哋不停傾偈，佢問我有關中國嘅嘢，我介紹好多中國地方及美食畀佢，佢都好有興趣。」Bonnie續又指古尼大讚她可做演員：「佢問我有冇興趣拍戲，仲話如果有合適嘅角色，會搵我。」
此外，古尼最近接拍銀行廣告，飾演風度翩翩的理想老公，錫老婆一啖。今月初，他偕同女友Stacy Keibler到多倫多電影節宣傳自導自演新片《The Ides of March》。雖然新片在威尼斯電影節反應麻麻，但今月中他在美國Telluride電影節仍獲頒Silver Medallion榮譽獎，表揚他對電影的貢獻。