傅珮嘉營營役役為碗麵

Maggie的台灣丈夫主理的「三星牛肉麵」位於西環區，麵店開張僅僅十個多月，已經客似雲來，食飯時間更經常爆滿要排隊入座，更在上環港鐵站附近開設分店。

Maggie說麵店堅持所有材料由台灣空運來港，確保地道風味，而且絕對不加味精：「三星係代表台灣盛產嘅一種三星葱，最正宗嘅牛肉麵就會有呢種蔥，好多人搞台灣食肆都以為香港人唔識，亂咁嚟，我夫家做開飲食，加上佢用足一年時間研究呢個牛肉麵湯底，我連生日都被迫食牛肉麵，不過真係好佩服佢呢份毅力！」

Maggie閒時在店內坐鎮。	放大圖片	放大圖片

藝人支持 碗上留名

久別香港重新打拚，Maggie坦言有一定困難，特別丈夫是台灣人，故在生意及宣傳上她會主動幫忙，她說：「其實食店先初初起步，好難做大型宣傳，惟有係靠口碑，好多以前識落嘅藝人朋友都會嚟支持，仲大力幫手宣傳添，真係好多得大家！」

Maggie笑言是微博癡，特別為麵店開設微博戶口，宣傳之餘可讓大家留言分享食後意見，令他們更有進步的空間。

其實三星牛肉麵寫明100%台灣風味，不少圈中藝人包括譚詠麟、趙學而、「台灣幫」LOLLIPOP F成員敖犬、台灣模特兒陳庭妮等慕名而來捧場，Maggie說：「好多以前嘅朋友知道我在港開食店，嚟捧場之餘，大家可以見面傾偈敍舊嘛！」每位明星顧客都會在一隻碗上面簽名留念，當大家到麵店，不妨留意有沒有你偶像的簽名碗。

美味招牌菜

三星牛肉麵的主打是牛肉麵，包括牛筋、牛肚及牛腩，而湯底有紅燒、麻辣及番茄三種選擇，其他食物有滷肉飯、棺材板、鹽酥雞、炸大腸、花姿丸等台式美食，晚飯時間更有正宗的麻辣火鍋任君選擇。

採訪：卓藍

髮型：Ason@Hair