許穎晒巨咪 Jeana寸飽死

o靚模許穎（Phoebe）與何佩瑜（Jeana）這對「死敵」不時隔空互寸，月初卻離奇地搭膊頭上演破冰記，不過前晚二人又故態復萌，Phoebe揚言與她只是hi bye朋友，而Jeana亦不甘示弱說：「擔心坐佢對面嘅賓客未食就飽！」
Phoebe谷行34D咪咪，搶盡「峰」頭。
Phoebe谷行34D咪咪，搶盡「峰」頭。

Phoebe、Jeana及陳靜（DaDa）等前晚現身電影祝捷會，對於作品優先場及上映首天票房超過250萬，眾演員大感興奮，身穿桃紅色低胸裙的Phoebe力谷其34D咪咪，搶盡同片女演員「峰」頭。

稱唔上係朋友

成為全場最搏女星，Phoebe謙稱只想靚靚示人，是否與Jeana已破冰？她說：「都冇結過冰，係冇溝通，稱唔上朋友，做朋友要睇性格夾唔夾，我未有時間同佢溝通。（宣傳見好多次！）係hi bye friend，反而同DaDa識得耐，會私下講電話。」

陳靜（中）夾在Phoebe（左）與Jeana之間，覺得好尷尬。
  • 陳靜（中）夾在Phoebe（左）與Jeana之間，覺得好尷尬。
Jeana亦唔執輸，說Phoebe只是同行，即係冇friend做。
  • Jeana亦唔執輸，說Phoebe只是同行，即係冇friend做。

後傳媒要求三女合照，本站在Jeana旁邊的Phoebe卻走到DaDa旁邊，DaDa事後還大呼尷尬：「企咗喺中間有啲唔自在。（做和事老？）佢哋應該冇咩嘢。（Phoebe話同Jeana只係hi bye friend。）我覺得宣傳完先hi bye，唔應該將私人嘢帶去工作，要大方啲。」

唔使着到咁行

至於被Phoebe稱為hi bye朋友，Jeana亦直認大家只是同行，她又寸咀說在片中大多與主角演對手，與Phoebe只有一場同場戲。Phoebe性感服飾搶盡「峰」頭，Jeana可覺對方過火？她說：「唔關事嘅，相信導演錢國偉着都咁靚，今晚係casual dinner，唔需要着得太犀利，坐佢對面嗰個都飽咗，我就平實啲sell玉背，驚人哋食唔落飯。」

文：影視組