鄧伊玲改裝舊衫循環再用

「Ｅ級教主」鄧伊玲（阿旦）崇尚環保主義，做藝人置裝開支龐大，尤其女仔特別貪靚，經常買衫置裝，故每當換季就多出一批舊衫，她說﹕「以前讀時裝設計我好鍾意自己DIY改造衫，有時啲衫過咗幾季就唔會再着，曾經將板褲改裝成牛仔布袋，好過嘥咗佢。」她自言讀書時期會特別去買二手衫改裝，發揮DIY的創意，她說﹕「有時為咗做嘢要買衫，但之後又唔會再着，着得多啲衫都會起毛粒，習慣會儲埋一堆衫後捐去慈善機構。」
阿旦經常買衫置裝，故每當換季就多出一批舊衫。
阿旦經常買衫置裝，故每當換季就多出一批舊衫。

阿旦一直有循環再用的習慣，屋企有一系列慳家方法，自稱慳妹的她說﹕「我會買洗衣液同皂液補充裝，盡量用番個舊樽，費事咁唔環保成日揼膠樽﹗」家養五隻狗的她特別教狗仔用企缸小便，事後用水沖乾淨，節省買尿片的費用，因每日幫多隻狗仔更換尿片開支大，膠尿片亦不環保。阿旦夏天屋企盡量開門窗，希望空氣對流，減少使用冷氣，節省能源和電費。

阿旦經常為工作買衫，大部分舊衫會捐去慈善機構。
  • 阿旦經常為工作買衫，大部分舊衫會捐去慈善機構。