連凱孭重責靠囝囝減壓

在美國修讀特技化妝的連凱,由演員升呢做老闆,於北京成立公司搞特技化妝,身為老闆的他直言,現時工作壓力極大,他說:「以前做演員有經理人幫手,依家我唔單止要處理自己嘢,仲要接單做生意,管理員工。(有錢賺?)都有,但暫時唔會開分公司。」

早前連凱榮升老竇,囝囝Zachary已有五個月大,他在北京時會透過視像睇囝囝,他說:「早排抱佢都重咗好多,手腳好似節瓜仔。(工作咁忙點減壓?)睇囝囝啲相同埋踩單車返工減壓。」他笑稱這一年內人生中突然多了兩個角色(老闆及老竇),令他責任感大了很多,暫時不會追多個。而好兄弟吳彥祖、尹子維都有聯絡他,陳子聰反而少見了。

場地:DNA