羽翹大腿瘀傷否認被打
歌手羽翹（Ava）、名模周汶錡（Kathy）及藝人黃浩然昨日出席活動。身穿短褲的Ava被發現大腿上有一大塊瘀痕，她否認被人打瘀，並笑言：「我都唔知點解，啲人話我畀鬼搣，瞓醒就有。不過可能係因為張床近窗台，撞咗過去唔知。」
另外，她又透露前日與家人回長洲過中秋，並未與緋聞男友羅力威一同慶祝。問到何不帶他見家長？她說：「中秋係同家人過嘅日子，佢都唔算係家人。（都畀人影到拖手啦！）未想同家人討論住。（觀察中？）時間耐啲先啦。」
至於Kathy透露由於已跟男友慶祝中秋，所以前日分別相約友人吃飯。她又表示Amanda S.到外地結婚很浪漫，不過就煩啲，被問到是否等男友求婚時，她就表示會努力。