樂易玲拋金句勁擦志雲EQ高

無綫熱播劇集《潛行狙擊》，昨晚在九龍灣某商場舉行大型活動，三十多名藝人包括謝天華、徐子珊、Bosco及陳法拉等，與現場二百名觀眾齊齊追看大結局。天華被封新一代chok神，司儀開玩笑叮囑各人要chok住睇大結局。

一眾悉心打扮赴會的演員，風頭不及新聞人物樂易玲，由於盛傳她遭高薪挖角，樂小姐回應是否離開無綫時，半開玩笑說：「你哋係咪好想我走？就算有人高薪挖我都唔走，我流住TVB嘅血。（有冇人挖過你？）你咁問我梗係話有，如果冇咪好冇面！」樂小姐又強調無綫內部運作如常，她說：「今日開會都講到出年一月嘅嘢。」

陳志雲	徐子珊睇到自己死時，忍不住落淚，Bosco竟然手指指。

與大師相處融洽

盛傳與陳志雲不和的樂小姐強調與大師相處融洽：「不嬲都好融洽，啲新聞講到我哋好似拍劇咁。」她揚言未有因而不快，因在無綫工作八年後EQ漸高，她又盛讚志雲EQ好：「佢咁多困難都面對到。」不過對律政司上訴一事，她以「呢啲就唔知喇。」作回應。此時再有記者追問她是否被高薪挖角？樂小姐聽畢搞gag謂：「我老公都挖咗我好耐，叫我返去湊仔，我都唔返呀！」　

放大圖片	謝天華、陳法拉悉心打扮赴會，天華惜肉如金，不肯為高收露點。	無綫演員與二百名觀眾齊齊睇新劇大結局，十分熱鬧。

天華宗澤唔肯露

眾藝人則對大結局收視充滿信心，不過身為男主角的Bosco與天華被追問若收視高開如何慶祝，二人都有欠大方互相推讓不肯露點，Bosco說：「大家咩都睇晒喇，要做乜就交畀天華、法拉同子珊啦。」而天華則忸怩說：「Bosco畀人睇多次都唔嫌多，我負責請食飯啦！」在劇中子珊與Bosco有大量親熱戲，她說有粉絲投訴她太多親熱戲，她擔心若下一套劇也有親熱戲會冇男仔要！至於法拉，則否認在微博踢爆諸葛紫岐已婚：「我冇寫過，你哋睇番咪知咯，唔想講咁多，愈講愈多是非，我真心希望將工作同私人嘢分開。」

文：影視組