Rainbow領軍船上獻技瞓身騷腿

o靚模組合冬甩及Fantasy日前於尖沙咀上船登台,獲二十多名粉絲送行,她們上船綵排約兩小時後,晚上就正式表演,大跳熱舞,瞓地騷長腿,表演落力,「E Cup官恩娜」Alina(何綽菲)更跳到甩鞋踭,她說:「呢對仲係新鞋,可能頭先跳得太激,好彩工作人員話會幫我黐番佢。」

表演完畢眾女食大餐慰勞自己,之後各自活動,大師姐Rainbow(胡心諾)帶住Alina、Ice(周梓盈)及Elke(陳芷敏)去唱K鬥歌喉,之後回房間食零食談心。Rainbow直認平時甚少時間跟師妹交流:「今次可以乘機增進感情,女仔都係鍾意坐喺床上,邊食零食邊講秘密!」她們更傾到天光仍不肯就寢!