Ana R.物色高人做男友
名模Ana R.昨晚出席國際品牌Chopard新店開幕，笑言自己還是單身的她透露中秋節將到泰國：「我一個人去泰國食月餅，嗰邊有好多朋友，但今次係自己去，去泰國價錢合理，食住都好平，之前去過峇里但好貴。（揀泰國男仔？）對我嚟講好矮，同埋我買咗好多高跟鞋，要搵個高啲男仔至可以着，我依家努力搵適合嘅人。」她續說向來喜歡吃月餅，至今已吃了兩個，「我已準備帶一盒過去，希望唔好喺出發前食晒。」
同場的楊婉儀表示女兒剛升讀小一：「最近比較忙，但都堅持送仔女返學，有家長陪特別開心，細個時爸爸日日都送我返學，到讀中學時就算落晒大雨，爸爸都會照接我，真係好溫馨！」
