鍾浠文宅女有要求
名模Jocelyn Luko及「翻版徐子淇」鍾浠文（Zelia）前日為展覽行騷。Zelia透露早前因簽證問題，被迫返回家鄉上海個多月，她笑言：「媽媽見到我，話我瘦咗好多，係咁煮嘢畀我食，所以肥咗，依家有跳舞減肥。」她又表示想拍戲，但先要苦練廣東話，那何不找個香港男友？她笑言：「我話冇男友，其他人都唔信。其實我好宅，成日唔出街，所以識唔到男仔。（要求高？）唔知，但係我會揀。（有冇人追？）有。不過我係山羊座性格，有一個行為唔啱就唔合格。」
而Jocelyn透露她的醫療健康中心開幕僅一星期，已收到三、四個電話預約，不過因為最近工作比較忙，所以仲未得閒睇症。她又透露老公Anthony將到北京行騷，及到新加坡擔任時裝騷DJ，而他們將於十月同遊尼泊爾，並到他們於當地所建的學校作探訪，看來二人忙得沒有時間打理生意。