周子揚拍住影帝恨做蠱惑仔
歌手周子揚早前拍攝電影《大追捕》，他表示能與任達華及張家輝兩位影帝合作，獲益良多，非常開心，他說：「同華哥喺戲入面最多對手戲，我細個睇佢嘅戲大，所以有得合作好開心！佢係一個superstar，但係好好人，又冇架子，真係好欣賞佢！」回想拍戲點滴，周子揚坦言有場十分難忘：「有場戲要係咁跑，最後其中一個演員真係跑到嘔，將之前食嗰個pizza嘔番晒出嚟，仲要面都青埋！原來拍戲都係一個體力訓練，好彩我平時都有做開運動！」
子揚又言可能自己形象斯文，所以通常飾演警察及消防員，但他直言渴望突破：「我想做蠱惑仔嘅角色，總之令大家估我唔到就最好！」