徐子珊麻甩本色寸Bosco姿整

這是一個錯配，明明Bosco雄赳赳，卻比女孩子還要姿整；明明子珊嬌滴滴，卻比男孩子更不拘小節。問題出在哪裏？Bosco說：「子珊真係好男人架，唔好睇佢朱唇豐厚，身材fit到漏油，其實佢係一個外表甜蜜，內裏麻甩嘅人。」

Bosco和子珊在劇中有咀戲，相信Paris揸槍指住Michael是另一焦點。	姿姿整整的Bosco，原來天生有潔癖。	如果性別錯配在人間發生，相信Bosco和子珊一定走唔甩。

口味心有靈犀

在旁的子珊聽到Bosco這樣形容自己，即時反擊：「你估你好Man呀？仲姿整過啲女仔，我未見過男仔好似你咁貪靚架！」Bosco即拍案大笑，對子珊沒好氣地說：「我有潔癖嘛！唔鍾意好似你咁連車都唔執。」雖然Bosco和子珊你一言我一語，各不相讓，但他們默契十足，還同叫凍檸茶少甜，絕對心有靈犀。

在《潛行狙擊》中，Bosco飾演的Michael及子珊所飾的Paris深入民心，對於這些新挑戰，Bosco說：「我個角色有鬚，自己都覺得OK，幾型仔，但我覺得好麻煩，要Keep住修理，要修整同打理，但有啲唔同嘅嘢畀人睇幾好，幾似奇勒基寶，唔係一般黃宗澤。」

律師角色難演

子珊則說：「一開始畀我呢個角色係好驚，驚做律師，除咗着套律師衫唔靚外，個假髮我Handle唔到，最慘係律師對白真係好難，仲要做一個好叻嘅律師，要行出嚟輸人唔輸陣，所以好大壓力。啲對白真係要花好多時間去背，好似小學生背書，比我平時背劇本花多十倍時間。」

文：專案組　

攝：沈健程

化妝：Omix_b（徐子珊）

髮型：Maggie Law@Kim Robinson（徐子珊）

Kei@HH Salon（黃宗澤）

服裝：Adam Kimmel x carhartt（黃宗澤）