洪天明周家蔚4條1澳洲私婚

洪天明、郭政鴻、馬德鐘、謝天華到荃灣出席《日之泉JC晨曦共賀中秋節》活動，與眾長者預祝中秋佳節。洪天明接受訪問時透露與女友周家蔚婚禮有新構思，計劃在11月11日到澳洲舉行「二人婚禮」，他說：「其實由上年已經開始籌備婚禮，但一直搵唔到合適場地擺酒，家蔚近排話不如只係我哋兩個人去澳洲結婚，返嚟先補擺喜酒。雙方家長都同意，爸爸都冇所謂，因為佢依家忙緊拍戲，要明年一月先得閒。」

洪天明準備購買一卡鑽石戒指約值廿萬迎娶周家蔚，將來賺到錢更會加碼送禮物，他笑說：「最憎接新娘玩嗰啲遊戲，係我就會好似拍《飛虎》咁爆門搶新娘。」

郭政鴻拒為阿滕做媒

剛剛多添了一名女兒的郭政鴻指現時湊女雖然辛苦，但人生卻有了目標。問到前緋聞女友滕麗名被指當「小三」，他則尷尬指兩人雖然是朋友關係，但卻沒有聯絡，他說：「佢都冇認拍拖，兩個人嘅事人哋又點知？」問郭政鴻會否介紹「好男人」給阿滕，他說：「冇啦，由得佢自己搵啦。」

採訪：影視組