陳奕迅搵代母着重外表
陳奕迅（Eason）與郭富城昨日到海港城宣傳新片《全球熱戀》，曾揚言想追多個的Eason，表明不接受搵代母：「唔明點解要放嘢喺人哋度，咪有人哋啲嘢？（反對代母？）怕生出嚟似代母咋！係嘅搵個靚啲。我同老婆傾過，明白佗仔辛苦，但係天職喎，不過我唔急，領養都OK。」
至於郭富城穿上心形地球圖案tee示人，問到有否買情侶裝給熊黛林？他說：「冇喎，件tee喺英國買，當時我只諗工作，時間又短，又喺男裝部。（同熊黛林慶中秋？）我要綵排演唱會，希望同媽咪、男性、女性朋友有一個鐘賞月。」
此外，Eason與桂綸鎂、Angelababy及城城等齊齊登上最新一期時裝雜誌，同期封面女郎則是已成功殺入荷里活的Maggie Q，久違了的她，在玫瑰花海中展示性感美。