諸葛紫岐婚後不設防生夠三個
諸葛紫岐（Marie）、薛凱琪、吳雨霏、Janice Man等昨晚出席Max&Co.活動。Marie表示早前到美國影相，被問到是否影婚紗相？她說：「唔係，我唔急，我條件好好。（定咗婚期未？）應該係明年，確實日子未定，要問主席（薛嘉麟），我已留定日子畀佢。（今次是否預支蜜月？）唔得，不過今次去順路慶祝生日，主席畀咗驚喜我，不過唔講得。」Marie繼又表示婚後會不設防，她說：「結咗婚都會想即時生，我好鍾意小朋友，諗住生三個。」
Marie又指在美國為新居添了不少家居用品，被問到新居是否愛巢？她說：「唔係，買咗好耐。（你同法拉都有樓？）唔關事。（會否送入伙禮物給法拉？）我都唔知佢搬。（如果生三個要三層樓？）三層樓都住唔晒，我希望小朋友同我一齊住。」而有指薛世恒與HotCha成員Regen傳緋聞，要補鑊送樓畀法拉，她說：「呢個係八卦新聞唔好信。（佢哋感情好好？）我哋好少見面。」
