蔡少芬湊女推Job嗌肉赤
三個月前誕下女兒張楚兒的蔡少芬，昨日出席保險公司活動，見她身材火速回復狀況，她直言因為仍在餵人奶，故修身不減Cup，更說：「多謝囡囡好重磅，令我日日練舉重。」
逼女睇舊劇
蔡少芬有女萬事足，談到為愛女推掉不少工作，她直言：「香港同內地都推咗好多Job。（有冇損失七位數字？）哈哈哈！一部都唔止啦！依家都有傾緊，都有啲心動，損失咗咁多錢，有啲肉痛o架！」
她透露女兒對看電視特別有興趣，飲奶都不忘盯着電視機，她笑說：「我咪畀佢睇《洛神》囉，等佢睇吓媽咪幾靚女、幾斯文。」
半年後回歸
另外，問到陳志雲事件，蔡少芬坦言看新聞知道對方消息，但自己並非甚麼派別，她說：「我無黨無派，同無綫仲有三部合約，（係咪等個女大啲先做嘢？）唔得！坐喺度會死o架，依家都會拍吓廣告同出席活動，等個女半年後戒奶就會活躍番嘞。（會唔會要求拍攝條件？）呢啲控制唔到。」她直言不介意一家三口接工作，可以當作美好回憶。而老公張晉昨晚在微博上載一張囡囡的照片，並多謝章子怡送贈的BB車。
文：影視組