G.E.M.報喜：我結咗婚喇

歌手鄧紫棋（G.E.M.）演唱會在即，當她得悉患癌歌迷未能撲飛睇騷，即主動要求主辦單位騰出兩場門票送給對方打氣，問到會否留兩張畀男友林宥嘉？G.E.M.笑言：「我結咗婚喇，仲問男友？」
G.E.M.戴上「婚戒」，自言前所未有咁開心。
G.E.M.戴上「婚戒」，自言前所未有咁開心。

G.E.M.的《鄧紫棋GET EVERYBODY MOVING 2011》演唱會Part2將於本周五、六舉行，相比起Part 1，有部分環節將作出更改。正忙於作最後綵排的G.E.M.，近日得知她的忠實歌迷梅家琪（Angel）患上罕見的橫紋肌肉腫瘤，開賣門票當日她正在醫院治療，未能撲飛睇騷而大為失望，G.E.M.昨日特別約Angel去紅館見面，並主動聯絡主辦單位騰出兩場的門票送畀對方，令Angel大感興奮。

婚戒
  • 婚戒

錄製打氣短片

G.E.M.表示：「見到Angel呢個情況，就會發現自己嘅問題變得好細，成日會為啲好小嘅事去煩，但其實世界上仲有好多人經歷緊一啲更大嘅難題！」G.E.M.早前特別錄製短片，為她接受治療期間打氣。Angel坦言獲得G.E.M.很大的鼓勵，早前十八歲生日便特別舉行音樂會，與朋友分享自己的經歷，更有獻唱G.E.M.的成名作《Where did You Go》。

G.E.M.右手食指戴上「婚戒」，興奮地透露自己剛剛結婚，她說：「尋日同神結咗婚，呢隻係我結婚戒指，前幾日同樂隊綵排嗰陣，突然覺得如果可以唱畀神聽就好喇，於是邀請牧師幫我洗禮，真係前所未有咁開心！」問到會否邀請男友林宥嘉睇騷？G.E.M.笑說：「我結咗婚喇！仲問男友？」

採訪：音樂組