Kelly他條出山日袋百萬

Kelly○七年拍畢電影《江山美人》後，便開始步入人生另一階段，○八年結婚、○九年誕下「蝦餃仔」，為了好好照顧屋企，四年來都鮮有接拍電影，就算涉足影壇，都是玩票客串性質，如客串過《72家租客》、《大鬧天宮》及為電影《天煞撞正怪怪獸》配音，鮮有擔大旗主演電影，就算曾志偉早前曾開到口，想邀請她主演電影，都未成事。

出動三不政策

但最近，Kelly決定為黃百鳴的賀歲新片《八星抱喜》「出山」，擔大旗接演該片，並跟型男古天樂拍檔，電影公司「天馬」今次能夠成功邀得Kelly加盟，全因誠意加銀彈，據知，電影公司以日薪一百萬加「三不政策」，包括拍戲「不用捱夜」、「不破壞形象」及「不用出埠」等條件作利誘，令Kelly可專心拍戲之餘，又可照顧家庭，條件相當之好。

陳慧琳現時接工作，必以照顧「蝦餃仔」為先。

祖兒登銀幕，獲黃百鳴為她度身訂造角色。

祖兒子丹鬥戲

除了邀得陳慧琳外，樂壇天后容祖兒亦會接演該片，祖兒一向喜歡接受新挑戰，電影公司特別為祖兒度身訂造一個很富挑戰性的角色給她嘗試，據知，該角色十分搶鏡，並跟「宇宙最強」甄子丹有不少對手戲。

黃百鳴明籌拍賀歲片必有巨星助陣。

甄子丹、古天樂、黃百鳴明年再放笑彈賀歲。

黃百鳴與曾志偉近幾年都開拍賀歲電影，差不多每年農曆新年都會「交手」一次，早前，曾志偉曾在公開場合講過想搵Kelly拍電影，有指更是明年賀歲檔，如今有指黃百鳴已邀得陳慧琳加盟，變相搶「琳」成功，記者致電陳慧琳經理人鍾珍，她說：「志偉確實搵Kelly拍戲，但都冇話係賀歲片，所以冇爭人，而天馬電影公司亦確實傾緊Kelly拍《八星抱喜》，（電影公司出高價利誘喎！）我哋覺得劇本同時間緊要啲，最緊要遷就到Kelly湊蝦餃仔。」

天馬電影公司對於找得陳慧琳、容祖兒兩位樂壇天后加盟《八》片一事，發言人黃小姐表示：「我哋確實傾緊，但現階段暫時都未有嘢可以公布。」文：影視組